ශ්රී ලංකා කණ්ඩායමේ පිතිකරණ පුහුණුකරු ලෙස ඉන්දීය කණ්ඩායමේ හිටපු පිතිකරණ පුහුණුකරුවෙකු වන වික්රම රතෝර් පත්කර තිබෙනවා.
ඒ එළැඹෙන 20-20 ලෝක කුසලාන තරගාවලිය සඳහායි.
ශ්රී ලංකා ජාතික ක්රිකට් කණ්ඩායමේ පිතිකරුණ පුහුණුකරු ලෙස ලෙස ඉන්දීය ජාතික කණ්ඩායමේ හිටපු පිතිකරණ පුහුණුකරුවකු වන වික්රම් රතෝර් මහතා පත් කිරීමට ශ්රී ලංකා ක්රිකට් ආයතනය පියවර ගෙන තිබෙනවා.
පෙබරවාරි මස ආරම්භ වන 20-20 ලෝක කුසලාන තරගාවලිය සඳහා ශ්රී ලංකා කණ්ඩායම සූදානම් කිරීම කෙරෙහි මූලික අවධානය යොමු කරමින් උපදේශක පදනමක් මත ඔහුව පත් කර ඇති බවයි ශ්රී ලංකා ක්රිකට් ආයතනය නිවේදනය කළේ.
ඉන්දීය ජාතික කණ්ඩායම නියෝජනය කරමින් ටෙස්ට් සහ එක්දින ජාත්යන්තර තරග ක්රීඩා කළ හිටපු ජාත්යන්තර ක්රීඩකයෙකු වන වික්රම් රතෝර් , 2026 ජනවාරි 18 වැනිදා සිට සිය වගකීම් භාර ගනු ලබන අතර, 2026 මාර්තු 10 වැනිදා දක්වා ශ්රී ලංකා කණ්ඩායම සමඟ කටයුතු කරනු ඇති.
ඔහු 2019 සැප්තැම්බර් සිට 2024 ජූලි දක්වා වූ වසර 5 කට ආසන්න කාලය තුළ ඉන්දීය පිරිමි ජාතික කණ්ඩායමේ සියලුම ආකෘති සඳහා පන්දුවට පහර දීමේ පුහුණුකරු ලෙස සේවය කර තිබෙනවා.
වික්රම් රතෝර් මේ වන විට , ඉන්දීය ප්රිමියර් ලීග් තරගාවලියේ රාජස්ථාන් රෝයල්ස් කණ්ඩායමේ ප්රධාන සහාය පුහුණුකරු ලෙසද කටයුතු කරනවා.
ඉන්දීය ක්රිකට් පාලක මණ්ඩලය යටතේ වන පුහුණුකරුවන්ගේ තෙවැනි ශ්රේණිය, ක්රිකට් ඔස්ට්රේලියා පුහුණුකරුවන්ගේ තෙවැනි ශ්රේණිය සහ එංගලන්ත සහ වේල්ස් ක්රිකට් ආයතනයේ පුහුණුකරුවෙකු ලෙස වික්රම් රතෝර් සුදුසුකම් සපුරා තිබෙනවා.
