කොළඹ සුගතදාස ක්රීඩාංගණයේදී ඊයේ නිමා වූ 48 වැනි ජාතික ක්රීඩා තරගාවලියේ සමස්ත ශූරතාව දිනා ගැනීමට බස්නාහිර පළාත සමත් වුණා.
බස්නාහිර ක්රීඩක ක්රීඩිකාවෝ මෙවර තරගාවලියේදී රන් පදක්කම් 106ක්, රිදී පදක්කම් 82ක් සහ ලෝකඩ පදක්කම් 90ක් දිනා ගැනීමට සමත් වූ අතර, මධ්යම පළාත අනුශූරතාව දිනා ගත්තේ රන් 45ක්, රිදී 47ක් සහ ලෝකඩ පදක්කම් 64ක් සමගින්.
දකුණු පළාත සහ වයඹ පළාත රන් පදක්කම් 37 බැගින් දිනාගත් අතර, රිදී පදක්කම් 42ක් සහ ලෝකඩ පදක්කම් 47ක් සමඟ තරගාවලියේ තෙවැනි ස්ථානය මධ්යම පළාත සතු වුණා.
තරගාවලියේ වේගවත්ම ක්රීඩකයා වූ සබරගමුව පළාතේ චමෝද් යෝධසිංහ තත්පර 10.42කින් රන් පදක්කම දිනාගත් අතර, ඔහු තරගාවලියේ දක්ෂතම ක්රීඩකයා ලෙස සම්මාන ලැබීය.
මේ ඉසවවේ මූලික වටයේදී ඔහු නව තරග වාර්තාවක් පිහිටුවීමට සමත් වූයේ තත්පර 10.27කින්.
දක්ෂතම ක්රීඩිකාව ලෙස මධ්යම පළාතේ තරුෂි කරුණාරත්න සම්මාන දිනා ගත් අතර, ඇය මීටර් 400 ඉසව්වේදී තත්පර 52.69කින් රන් පදක්කම දිනා ගත්තා.
ඌව පළාතේ ටී.ඒ. මුතුකුමාරණ මීටර් 100 තත්පර 11.99කින් නිමා කරමින් තරගාවලියේ වේගවත්ම ක්රීඩිකාව බවට පත් වූවා.
මෙවර තරගාවලියේදී නව තරග වාර්තා 9ක් සහ ජාතික කනිෂ්ඨ වාර්තාවක් බිහි වීම කැපී පෙනුනා.
ඔලිම්පික් ක්රීඩා උලෙළට සුදුසුකම් ලබා සිටින තරුෂ කරුණාරත්න ඊයේ කාන්තා මීටර් 400 ඉසව්වට එක්වෙමින් රන් පදක්කම (මි. 52.69) දිනාගත් අතර, එහි රිදි පදක්කම නදීෂා රාමනායක සතු වූයේ මිනිත්තු 53.56කිනි. ලෝකඩ පදක්කම ලක්ෂිකා මෙන්ඩිස්ට (බස්නාහිර මි. 53.66) හිමි වුණා.
තරගාවලියේ අවසන් ඉසව්ව බවට පත්වූ මීටර් 400 මිශ්ර සහාය ඉසව්වට වැඩි දෙෙනකුගේ අවධානයක් යොමුවූ අතර, එහිදී මේ මස අවසානයේ ප්රංශයේදී පැවැත්වෙන ඔලිම්පික් ක්රීඩා උලෙළට සුදුසුකම් ලබා සිටින තරුෂි කරුණාරත්න සමඟ අරුණ දර්ශන මධ්යම පළාත නියෝජනය කරමින් තරග වැදුණි. මෙහිදී මධ්යම පළාත රන් පදක්කම දිනා ගත්තේ මිනිත්තු 3:22.09කිනි. එහි රිදී පදක්කම වයඹ පළාතට (මි. 3:24.06) සහ ලෝකඩ පදක්කම දකුණු පළාතට (මි. 2:28.78) හිමි විය.
