ලංකා ප්රිමියර් ලීග් විනය නීති සංග්රහය උල්ලංඝණය කළ කැන්ඩි ෆැල්කන්ස් කණ්ඩායමේ නායක වනිඳු හසරංගට සහ කලම්බු ස්ට්රයිකර්ස් කණ්ඩායමේ බිනුර ප්රනාන්දුට දඩ පැනවීමට එල් පී එල් තරග සංවිධායකයින් පියවර ගෙන තිබෙනවා.
ඒ අනුව වනිඳුට තරග මුදලින් සියයට 25ක දඩයක් සහ බිනුරට තරග මුදලින් සියයට 20ක දඩයක් නියම කෙරුණා.
ලංකා ප්රිමියර් ලීග් ක්රිකට් තරගාවලියට එක් වන කණ්ඩායම්වල ක්රීඩකයින්ගේ විනය පිළිබඳ මෙවර දැඩි අවධානයක් යොමු කිරීමට එල් පී එල් තරග සංවිධායකයින් කටයුතු කරනවා.
ඒ අනුව ක්රීඩකයින්ගේ ඇඳුම් පැළඳුම් හා ක්රීඩා උපකරණ පිළිබඳවද දැඩි අවධානයක් යොමු කිරීමට පියවර ගෙන ඇති අතර කැන්ඩි ෆැල්කන්ස් කණ්ඩායමට අයත් නොවන හෙල්මටයක් පැළඳ ක්රීඩා කිරීම හේතුවෙන් නායක වනිඳු හසරංගට තරග මුදලින් සියයට 25ක දඩයක් පැනවීමට පියවර ගැනුනා.
ඒ ඇඳුම් පැළදුම් හා ක්රීඩා උපකරණ රෙගුලාසි උල්ලංඝණය කිරීමේ චෝදනාව යටතේයි.
අමෙරිකානු ඩොලර් 3600ක් වූ එම දඩ මුදලේ ශ්රී ලංකා රුපියල් වටිනාකම ලක්ෂ 11කට ආසන්නයි.
එමෙන්ම කලම්බෝ ස්ට්රයිකර්ස් කණ්ඩායමේ වේගපන්දු යවන ක්රීඩක බිනුර ප්රනාන්දුටද එම නීතිය උල්ලංඝණය කිරීම හේතුවෙන් සියයට 20ක දඩයක් නියම කළා.
ඒ ජුලි 2 වැනිදා කැන්ඩි ෆැල්කන්ස් කණ්ඩායම සමග පැවති තරගයේදී ඔහු විනිසුරු උපෙදස්වලට අවනත නොවීම හේතුවෙන්.
එමෙන්ම තරග පැවැත්වෙන දිනවලදී තරග අවසන් වනතුරු ක්රීඩාංගණය තුළදී ක්රීඩකයින්ට සෙරෙප්පු පැළඳීමද එල් පී එල් තරග සංවිධායකයින් තහනම් කර තිබෙනවා.
