කුසලතා පිරි තරුණ ක්රිකට් ක්රීඩකයන්ගේ දක්ෂතා ගවේෂණය කර ගැනීමේ අරමුණින් ශ්රී ලංකා ක්රිකට් ආයතනයේ සංවිධානයෙන් සහ ප්රීමා ආයතනයේ අනුග්රහයෙන් පැවැත්වෙන අවුරුදු 15න් පහළ නැෂනල් යූත් ලීග් පළාත් තරගාවලිය ඉකුත්දා කොළඹදී ආරම්භ වුණා.
සමාරම්භක දිනයේදී පසුගිය වසරේ ශූර කොළඹ දකුණ කණ්ඩායම හා ගාල්ල අතර තරගය කොළඹ විශ්වවිද්යාලය පිටියේදී පැවැත්වෙන අතර, කොළඹ උතුර හා දඹුල්ල අතර තරගය කොළඹ රාජකීය විදුහල් ක්රීඩාංගණයේදී පැවැත්වීමට කටයුතු යොදා ඇත.
කොළඹ උතුර, කොළඹ දකුණ, කැන්ඩි, ගාල්ල සහ දඹුල්ල යන පළාත් කණ්ඩායම් පහේ සහභාගිත්වයෙන් පැවැත්වෙන මේ තරගාවලියේ අවසන් මහ තරගය මේ මස 28 වැනිදා කොළඹ තර්ස්ටන් විදුහල් ක්රීඩා පිටියේදී පැවැත්වෙනු ඇත.
මූලික තරග වටය සිට සෑම කණ්ඩායමක්ම තරග 4කට ක්රීඩා කළ යුතුව ඇති අතර, ඉදිරියෙන්ම සිටින කණ්ඩායම් හතර අතරේ අවසන් පූර්ව තරග දෙකක් පවත්වා එයින් ජය ගන්නා කණ්ඩායම් දෙක අවසන් මහ තරගයට සුදුසුකම් ලබනු ඇත.
පසුගිය වසරේ අවසන් මහා තරගයේදී මහනුවර කණ්ඩායමට එරෙහිව ලකුණු 149ක ජයක් ලබාගත් කොළඹ දකුණු කණ්ඩායම ශ්රී ලංකා ක්රිකට් ප්රීමා අවුරුදු 15න් පහළ නැෂනල් යූත් ලීග් පළාත් ශූරතාව දිනා ගත්තේය.
තරගාවලියේ වීරයා ලෙස කොළඹ දකුණ කණ්ඩායමේ දුෂාන් උඩුවෙල සම්මාන ලැබූ අතර, හොඳම පන්දු යවන්නා යුමාල් එගොඩගේ (දඹුල්ල) හා හොඳම පිතිකරු රෙෂාන් සොලමන්ස් (කොළඹ දකුණ) සම්මාන දිනා ගත්හ.
