ශ්රී ලංකා ක්රිකට් ආයතනය විසින් සංවිධාන කරන දේශීය ක්රිකට් තරගවල නිල විකාශන අයිතිය තින්කියුබ් සිස්ටම්ස් පුද්ගලික සමාගම හිමිකරගත් අතර, එම සියලු තරග මුදල් ගෙවීමකින් තොරව ටැලන්ට් ටීවී (Talent TV) ඔස්සේ රටපුරා නැරඹීමේ අවස්ථා උදාකරදීමට කටයුතු යොදා ඇත.
දේශීය පිරිමි කණ්ඩායම්වල ක්රිකට් තරගවලට අමතරව ශ්රී ලංකා ‘ඒ’ කණ්ඩායම, නැඟී එන කණ්ඩායම, අවුරුදු 19න් පහළ යොවුන් කණ්ඩායම, ශ්රී ලංකා කාන්තා ‘ඒ’ කණ්ඩායම සහ අවුරුදු 19න් පහළ බාලිකා ක්රිකට් කණ්ඩායම සහභාගි වන සියලු තරග වැලන්ට් ටීවී (Talent TV) ඔස්සේ විකාශය කෙරේ. එමෙන්ම ග්රාමීය ක්රිකට් සංවර්ධන වැඩසටහන්, සියලු වයස්වල ප්රේක්ෂකයන් දිරිමත් කිරීම උදෙසා ප්රවෘත්ති, කතා සහ විනෝදාස්වාද ආකෘති මේ ඔස්සේ නැරඹිය හැක.
තින්ක්යූබ් සිස්ටම්ස් පෞද්ගලික සමාගමේ නාළිකාව වන ටැලන්ට් ටීවී (Talent TV) නාළිකාව ඔස්සේ මෙන්ම අන්තර්ජාලයේ www.talenttv.lk ඔස්සේ සජීව සහ පටිගත කරන ලද වැඩසටහන් නොමිලේ නැරඹීමේ අවස්ථාව ද හිමි වේ.
ජාතික කණ්ඩායමේ සියලු ක්රීඩකයන්ගේ සහභාගිත්වයෙන් මේ දිනවල ක්රියාත්මක ශ්රී ලංකා ක්රිකට් ලීග් විස්සයි20 ක්රිකට් තරගාවලිය ටැලන්ට් ටීවී ඔස්සේ සජීව ලෙස විකාශය කරමින් සිටින අතර එම තරගාවලියේ අවසන් මහා තරගය අනිද්දා (16) පස්වරු 1.30 සිට නැරඹීමේ හැකියාව උදා වේ.
