ශ්රී ලංකා ක්රිකට් ආයතනය විසින් යොවුන් ක්රීඩකයන් වෙනුවෙන් සංවිධාන කළ අවුරුදු 19න් පහළ යූත් ලීග් ක්රිකට් තරගාවලියේ ශූරතාව දිනා ගැනීමට චාමික හීනටිගලගේ නායකත්වයෙන් යුත් කොළඹ උතුර කණ්ඩායම සමත් විය.
අනුරාධපුර දිස්ත්රික් ක්රිකට් ක්රීඩාංගණයේ ඊයේ පැවති තරගාවලියේ අවසන් තරගයේදී කොළඹ උතුරු පිල හමුවේ කොළඹ දකුණ පිල කඩුලු 5කින් පරාජයට පත්විය. ජයග්රාහී කොළඹ උතුර කණ්ඩායම කුසලානය සමඟ රුපියල් ලක්ෂ 5ක මුදලක් හිමිවූ අතර, අනුශූරයන්ට රුපියල් ලක්ෂ 3ක මුදලක් පිරිනැමිණි. කොළඹ උතුර පිල පසුගිය තරගාවලියේත් ශූරයන් වූ අතර, එවරත් අනුශූරයන් වූයේ කොළඹ දකුණ පිලයි.
තරගයේ පළමුව පන්දුවට පහර දුන් කොළඹ දකුණ පිල කඩුලු 9ක් දැවී ලකුණු 232ක් රැස් කළ අතර, එම ඉලක්කය ඕව්ර 40.5කදී සපුරා ගැනීමට කොළඹ උතුරු ක්රීඩකයෝ සමත් වූයේ කඩුලු 5ක් පමණක් අහිමි කර ගනිමිනි.
දුල්නිත් සිගේරා සහ අවීෂ සමාෂ් පළමු කඩුල්ලට පන්දු 104කින් ලකුණු 114ක සබඳතාවක් ගොඩනඟමින් සාර්ථක ආරම්භයක් දුන් අතර, පන්දු 60කදී හතරේ පහර 11ක් සහ හයේ පහරක් සමඟ ලකුණු 68ක් රැස් කළ දුල්නිත් දැවීයෑමෙන් සබඳතාව නිමා විය. සමාෂ් ලකුණු 45ක් රැස් කළ අතර, සෙනුජ වැකුණගොඩ ලකුණු 41ක් ඉනිමට එක් කළේය. පන්දු යැවීමේදී දහම් නිර්මාල් කඩුලු 3ක් දවා ගත්තේය.
සුවහස් ප්රනාන්දු (80) සහ රෙහාන් පීරිස් (53) පළමුව පන්දුවට පහර දුන් කොළඹ දකුණ පිල වෙනුවෙන් අර්ධ ශතක රැස් කළ අතර, පන්දු යැවීමේදී පූර්ණ කල්හාර සහ මානස මදුභාෂණ කඩුලු 2 බැගින් දවා ගත්හ.
කොළඹ උතුර කණ්ඩායමේ නායක චාමික හීනටිගල තරගාවලියේ වීරයා ලෙස සම්මාන දිනාගත් අතර, තරගාවලියේ දක්ෂතම පිතිකරු ලෙස දිමන්ත මහවිතාන (මහනුවර), දක්ෂතම පන්දු යවන්නා ලෙස සුමේධ ප්රසාද් (මහනුවර) සහ අවසන් තරගයේ වීරයා ලෙස දුල්නිත් සිගේරා (කොළඹ උතුර) සම්මාන දිනා ගත්හ.
කොළඹ දකුණ – 232/9 (ඕවර 50) සුවහස් ප්රනාන්දු 80, රෙහාන් පීරිස් 53, හිරුන් මතීෂ 22 (පූර්ණ කල්හාර 27/2, මානස මදුභාෂණ 35/2)
කොළඹ උතුර – 233/5 (ඕවර 40.5) දුල්නිත් සිගේරා 68, අවීෂ සමාෂ් 45, සෙනුජ වැකුණගොඩ 41, චාමික හීනටිගල 29 (දහම් නිර්මාල් 73/3)
